FAQ Papiamentu

Nos plan di paso komo un bista general. Pa mas detaje wak abou.

Pedido 

  • Kiko ta e montante mínimo di un pedido? 
    E montante mínimo ta $ 20,00. 
  • Si mi hasi un pedido, paga i tòg e artíkulo no t’ei den stòk, kiko ta e proseso?  
    Nos tin un registro di stòk hopi stret, p’esei en realidat esaki no mester sosodé. Si akaso esei tòg ta e kaso, nos ta transferí e montante di e artíkulo ei bèk pa bo. 
  • Mi por anulá, kambia òf agregá algu despues di e pedido i pago?  
    Nò, esei no ta posibel. Loke sí por, ta hasi un pedido nobo online pa agregá. 
  • Ta obligatorio pa krea un account?
    Nò, pero e por yuda bo ku próksimo pedidonan.
  • Mi no ta risibí un e-mail di konfirmashon?
    Chèk bo spambox por fabor.

Pago 

  • Mi por paga solamente via Sentoo? 
    Nò, ta posibel tambe pa paga ku un credit card of hasi un transferensia manual. Bo por indiká esaki ora di hasi e pedido.
  • Mi mes mester tin un app di Sentoo pa paga?  
    Nò, dor di hinka dede riba e kònòpi di Sentoo bo por skohe entre MCB i Orco Bank. Ora bo klek riba e banko di bo eskoho, bo app di banko ta habri riba bo telefòn òf e página di pago di bo banko ta habri riba laptop/PC i bo por paga fásil. 
  • Pakiko mi no por paga ku karchi (pin) òf efektivo na boso lokalidat di rekohé?  
    Pago na efektivo nò pa motibu di seguridat, nos no ke tin un kasha einan. I pa tur dos ta konta ku nos por realisá preisnan abou dor di tene e akshonnan mas limitá posibel (karakterístika di e método di distribushon akí). 

Rekohé 

  • Na ki tempu mi por rekohé mi pedido?  
    Despues ku bo a risibí un notifikashon ku e pedido ta kla. Orarionan di e lokalidat pa rekohé na Kaya Amsterdam 23 ta: djaluna te ku djabièrnè: 12:00 te ku 18:30 or. Djasabra: 08:30 or te ku 13:00 or. 
  • Den kuantu dia mas tardá mi mester a rekohé mi pedido? 
    Mas tardá den 5 dia di trabou despues di e pedido mester a rekohé esaki. 
  • Mi por laga un otro persona rekohé mi pedido? 
    Sí, esei mag. Basta e persona ei sa e nùmber di órden i na nòmber di ken e pedido ta. Nos tin e derecho pa pidi e persona ei su identifikashon. 

  
Entrega 

  • Na ki tempu mi pedido ta keda entregá?  
    Nos a palabrá e meta ku E.A.A. Transport. Pedidonan ku: djaluna te ku djabièrnè promé ku 15:00 or ta kla (ke men kla pa rekohé) lo keda entregá e mesun dia ei. Djasabra promé ku 11:00 or ta kla (ke men kla pa rekohé) lo keda entregá e djasabra ei. E kontakto tokante esaki, pues tambe e sitanan, ta bai entre abo i EAA Transport. Manera menshoná, boso por desviá di esaki den konsulta mutuo. 
  • Mi por laga un otro servisio di entrega rekohé mi pedido?  
    Sí, solamente bo mes mester regla esei i basta e persona ei sa e nùmber di órden i na nòmber di ken e pedido ta. Nos tin derecho pa pidi e persona ei su identifikashon. 
  • Kiko ta e gastonan di entrega? 
    E.A.A. Transport tin gastonan di entrega fiho. Pa pedido bou di $ 100,– esei ta $ 10,–. Pa pedido di $ 100,– òf mas esei ta $ 15,–. E gastonan di entrega akí mester keda pagá na efektivo na nan ora di entrega. 

    Aki bou bo ta haña informashon èkstra i e datonan di kontakto di E.A.A. Transport:

🛒 0